На поўначы Харкаўскай вобласці, дзе актывізаваліся баявыя дзеянні расійскіх войск, пачалася эвакуацыя мясцовых жыхароў, паведаміў у нядзелю кіраўнік рэгіянальнай адміністрацыі Алег Сінегубаў.
«За двое сутак эвакуяваныя больш за 4 тысячы чалавек з населеных пунктаў, дзе існуе пагроза жыццю і здароўю мірных жыхароў», — паведаміў Сінегубаў у паведамленні, апублікаваным у Telegram. Ён дадаў, што эвакуацыя праводзіцца сіламі рэгіянальнай ваеннай адміністрацыі, мясцовых уладаў, каардынацыйнага гуманітарнага цэнтра, валанцёраў, паліцыі і МНС.
У суботу кіраўнік уладаў рэгіёну паведаміў, што з раёнаў на поўначы Харкаўскай вобласці, якія знаходзяцца пад пастаянным абстрэлам Расіі, эвакуяваныя больш за 2,5 тысячы чалавек.
У пятніцу ўкраінскі бок паведаміў, што расіяне пачалі новую хвалю атак на поўначы Харкаўскай вобласці. Яны таксама суправаджаюцца павелічэннем інтэнсіўнасці агню артылерыі і авіяцыі.
«На поўначы Харкаўскай вобласці працягваюцца атакі расійскіх сіл, якія спрабуюць пранікнуць у глыб (рэгіёну), але дзякуючы ўкраінскай абароне яны не выйшлі за памежную зону», - запэўніў Сінегубаў.
PAP/юл